HATAW! D'yaryo ng Bayan hatawtabloid.com
MA at PA
ni Rommel Placente
MAY mga nagtaas ng kilay nang mapili si Kathryn Bernardo bilang isa sa pinakabagong hurado ng Pilipinas Got Talent. First time kasi ito ng aktres. Habang naghihintay kasi na ipalabas ang kanyang upcoming film ay dito muna siya mapapanood.
Kabado ang award-winning actress dahil first time niyang maging isang hurado. Pero dahil ongoing na ang tapings para sa show, may mga ilang nagtsika sa amin na pasado naman bilang hurado si Kathryn.
Bilib nga raw sa kanya ang ilang staff at produksiyon ng programa, dahil mabilis siyang naka-adjust. Mahusay siyang mag-judge.
Bakit naman hindi? Ang experience ng aktres sa showbiz mula Goin’ Bulilit hanggang ngayon, ang pinaka-factor kung bakit karapat-dapat lamang siyang maging hurado, dahil experience wise nga ay matagal na siya sa showbiz.
Hindi lamang sa pagdya-judge naman hinangaan ang aktres.
Mula rin nang mahiwalay kay Daniel Padilla, mas lalo nilang nakita at na-appreciate kung paano magsalita ang aktres sa mga interview.
Mas lumabas ang galing nito.
Komento pa ng ilang netizens, bihira raw kasing ma-express ni Kathryn dati ang sarili dahil kay Daniel.
May mga nagsabi naman, mag-mature na rin naman talaga si Kathryn sa lahat ng aspeto. ‘Experience is the best teacher’, ‘ika nga.
