Eugene Domingo, ipinasilip ang new normal taping ng Dear Uge Presents

MASAYANG ibinahagi ni Eugene Domingo ang pagbabalik-taping niya sa ilalim ng new normal para sa nalalapit na fresh episodes ng pinagbibidahang award-winning comedy anthology na Dear Uge Presents.

Noong July 31 ay ipinasilip ng Kapuso actress sa kanyang Instagram followers kung paano isinasagawa ng kanilang team ang taping sa gitna ng pandemya. Makikitang maingat na sinusunod ng staff at production crew ang bagong protocols alinsunod sa precautionary measures na ipinatutupad ng GMA Network.

“Much appreciation for all the staff, crew and artists on our first #dearugepresents taping. We will give you fresh episodes soon. Thank you loyal viewers! #kapitlangkapuso #practicingnewnormal,” ani Uge sa kanyang post. 

Dahil unti-unti nang nagsisimula ang taping ng mga artista sa ilalim ng new normal, asahan naman ang mas maraming fresh episodes ng ilang Kapuso shows na hindi dapat palampasin.

COOL JOE!
ni Joe Barrameda