.1-M OFWs natulungang makauwi sa bansa

NASA 100,000 overseas Filipino workers (OFWs) ang natulungan ng pamahalaan para mapauwi sa kanilang lalawigan.

Ang kabuuang 96,792 OFWs ay nai-repatriate ng pamahalaan dulot ng pandemyang coronavirus at nakauwi na sa kanilang bahay.

Ayon sa Overseas Workers Welfare Administration (OWWA).

Negatibo sa COVID-19 ang naunang batch na 1,691 homebound OFWs.

Noong nakaraan buwan ng Mayo, nasa 34,000 OFWs ang tinulungan ng pamahalaan para makauwi sa kanilang probinsiya habang mahigit sa 61,000 ay halos araw-araw napapauwi sa mga nakalipas na buwan.

Ang tracking system o ang tinatawag na OFW Assistance Information System (OASIS) ay itinalaga sa command center para sa maayos na repatriation ng OFWs na nagbabalik at umaalis sa bansa.

Bukod sa transportation assistance, ang OWWA sa pakikipagtulungan ng Philippine recruitment agencies (PRAs), at licensed manning agencies (LMAs), ay nagbigay ng hygiene kits, at accommodation sa mga umuuwing OFWs.

Halos nasa 572,442 OFWs na apektado ng pandemic ang nangangailangan ng tulong.

Ayon sa OWWA, 240,583 request for assistance sa ilalim ng inaprobahang AKAP program, at 203,585 sa kanila ang nakatanggap na ng emergency aid.

Ang AKAP ay one-time cash assistance na $200 o katumbas ng P10,000 na ibinibigay sa mga repatriated OFWs na apektado ng pandemya. (JAJA GARCIA)