Manila Water, lumahok sa Sumakah Festival

Lumahok ang Manila Water, ang silangang konsesyonaryo ng tubig at alkantarilya sa kakatapos lamang na Sumakah (Suman, Mangga, Kasoy and Hamaka) Festival na ginanap sa lunsod ng Antipolo na itinampok ang delicacies o sikat na pagkain ng siyudad. Nagkaroon ng isang parada na sinimulan mula Sumulong Park hanggang Ynares Center.

Binigyang-buhay ni Kuya Pat, ang mascot ng Manila Water ang nasabing parada na dinaluhan din ng iba’t ibang mga paaralan at opisina ng lunsod.  Ang Manila Water din ang nagsilbi bilang hydration sponsor para sa lahat ng lumahok sa parada.

Ayon sa lokal na pamahalaan, higit sa 15,000 katao ang nakibahagi sa parada. Sinimulan ang Sumakah Festival noong 2002 upang maging kaakit-akit ang Antipolo bilang isang pa-ngunahing destinasyon ng mga turista tuwing panahon ng tag-init. Ang selebras-yon ay ginanap sa buong buwan ng Mayo na nagkaroon ng dancing competitions, cultural presentations, arts at culinary exhibits.