HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAGPAPASALAMAT si Ayanna Misola dahil kaagad siyang nabigyan ng launching movie, ang Kinsenas Katapusan ng Viva Films na mapapanood na sa February 4 at idinirehe ni GB Sampedro.
Unang ipinakilala si Ayanna ng Viva sa Pornstar 2 at Siklo at ngayon sa Kinsenas Katapusan naman magpapakita ng galing hindi lamang sa pagpapasexy ang bagong discoverer ng Viva.
“I feel so blessed dahil baguhan lang po ako tapos may launching film na agad,” anang dalaga sa media conference ng kanilang pinagbibidahang pelikula na isang sexy-psycho-thriller.
“Aware naman po ako na hindi lahat ay nabibigyan ng ganoong opportunity kaya very grateful talaga ako sa tiwala na ibinibigay sa akin ng big bosses namin sa Viva,” sambit pa nito.
Inamin ni Ayanna na nabigla siya sa bilis ng takbo ng kanyang career. “Medyo nabibigla ako dahil hindi pa nagsi-sink in sa akin na artista na talaga ako.
“Marami po akong mga upcoming project this year sa Vivamax na malayo talaga sa karakter ko in real life, pero game lang!” giit pa nito.
Ginagampanan ni Ayanna si Beth na nakilala ni Joko Diaz (Conrado) sa online na may madilim na nakaraan. Nag-umpisa ang pagkakaibigan ng dalawa sa pamamagitan ng videocall hanggang sa nagkikita na ng palihim. Hanggang sa nalaman niyang kaibigan din pala si Beth ng kanyang anak.
Ang Kinsenas Katapusan ang sinasabing pinakamainit at exciting movie na maraming twist ni Direk GB kaya naman asahan ang maraming maiinit na eksena nina Ayanna at Joko.
Samantala nilinaw ni Ayanna na tanggap ng pamilya niya ang ginagawang paghuhubad dahil alam ng mga ito na stepping stone lamang niya ito.
“Tanggap ng family ko kung ano ‘yung pinasok ko. Naniniwala naman po sila na stepping stone ko lang ‘yunh mga ginagawa ko ngayon at darating ang araw na hindi ko na kailangang maghubad sa pelikula.”
Bukod kina Ayanna at Joko, kasama rin sa pelikula sina Jamilla Obispo, Janelle Tee, at Angela Morena.
