Saturday , April 13 2024
Ayanna Misola

Ayanna Misola, sapol ng Covid-19

ALAM MO NA!
ni Nonie Nicasio

TINAMAAN pala ng Covid-19 ang sexy star ng Vivamax na si Ayanna Misola. Naka-chat namin ang aktres at nabanggit niyang one week na kahapon mula nang nalaman niyang may Covid siya.

Wika ni Ayanna, “Noong Wednesday po may photoshoot po sana for a movie poster, bigla akong nag-positive. Every three days po nagpapa-swab ako, positive pa rin.

“Hindi ko po sure kung saan ako nahawa, kasi recently palagi po akong nasa crowded na mga lugar like everyday po akong nasa gym and nasa mall. Kaya dapat po talagang mag-ingat ang lahat at tandaan natin na may Covid pa rin po sa atin.”

Kumusta na siya ngayon, ano ang kanyang pakiramdam?

Aniya, “May sipon and ubo lang po, tapos sinat… yes po, naka-quarantine lang ako sa bahay, bale mild lang po ang symptoms.

“Sabi raw po kapag fully vax na, hindi na iinit ‘yung katawan, hindi na raw po lalagnatin, pero ramdam mo ‘yung bigat na parang may lagnat. Nasa loob lang ‘yung temperature hindi lumalabas.”

Anyway, ayon sa sexy actress, ang Vivamax movie nilang Ang Babaeng Nawawala Sa Sarili ang next project niya na kailangang abangan sa kanya.

Tampok din dito sina Diego Loyzaga, Adrian Alandy, Mon Confiado, Carlene Aguilar, Allan Paule, Ava Mendez, at iba pa, sa direksiyon ni Roman Perez, Jr.

“Ang movie po naming Ang Babaeng Nawawala Sa Sarili ang next na kailangang abangan nila sa akin,” saad ng aktres.

Ano ang bago niyang ipasisilip dito? “Napaka-sexy po ng character ko rito, as in nakawawala po sa sarili. Challenging po ang role ko rito, kasi tatlo iyong personalities ko rito, mas maipapakita ko po rito iyong acting ko.

“Sexy po ang film, pero more on acting po ang makikita nila rito. Bukod sa remake, idol na idol ko po kasi si Ms. Dina (Bonnevie), so gusto ko po talaga maibigay ‘yung best ko sa bawat eksena.”

Ayon pa sa hot na hot na alaga ni Jojo Veloso, nanghinayang siya dahil hindi nakasali si Dina sa pelikulang ito na ang veteran actress mismo ang orig na nagbida noong 1989.

“Yes po, nanghinayang ako, kasi po nasa bucket list ko po talaga na maka-work si Ms. Dina. Pero hindi naman po ako nagmamadali, maybe one day makasama ko po siya. Isang karangalan na po ang mabigyan ako ng project na remake na galing sa kanya,” nakangiting saad ni Ayanna.

About Nonie Nicasio

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Janella Salvador Karylle Showtime

Janella ipinagtanggol ni Karylle: She’s not feeling well…it meant nothing

MA at PAni Rommel Placente NAKAHANAP ng kakampi si Janella Salvador kay Karylle.  Ipinagtanggol kasi ng huli ang …

Jos Garcia

Int’l artist Jos Garcia suporta at pagtangkilik wish sa kanyang kaarawan

SIMPLENG selebrasyon lang ang naganap na birthday celebration ni Jos Garcia sa Japan kasama ang …

Taylor Sheesh

Impersonator ni Taylor Swift kinarate sa baba habang nagpe-perform 

MATABILni John Fontanilla TRAUMA ang inabot ng Drag Queen na si Taylor Sheesh nang kinarate ito habang …

Ruru Madrid Black Rider

Bagong alyansa ng kasamaan haharapin ni Ruru

RATED Rni Rommel Gonzales THE war ain’t over yet para kay Black Rider, kaya naman tutok na …