Juday, Anne, Carla, at Coco pinangunahan PAFTA awardee

SHOWBIZ KONEK
ni Maricris Valdez

INILABAS na ng Philippine Arts, Film & Television Awards (PAFTA) ang mga nanalo sa larangan ng telebisyon at pelikula. Igagawad ang kanilang unang parangal sa February 21 sa Centennial Hall, Manila Hotel, 7:00 p.m. Ang red carpet ay magsisimula, 6:00 p.m.  

Ang PAFTA ay binubuo nina Dr. Billy James Uy  (Chairman of the Board),Teresita Tolentino Pambuan(President & Founder), Christina U. Aliada (Executive Vice President), Charlemagne Arceta (Vice President), Atty. Jocelyn Reyala (Corporate Secretary), Jenalyn Aliada (Secretary), Rafy Gellang(Treasurer), Edward Ralph Santos (Auditor), at Nico lizardo (PRO).

Layunin ng PAFTA na igawad ang kahusayan, kilalanin ang individual distinction at isulong ang malikhain at kultural na buhay ng bansa sa pamamagitan ng pagdiriwang ng natatanging tagumpay sa pelikula, telebisyon, teatro, modeling, at performing arts. Kinikilala rin ng PAFTA ang makabuluhang kontribusyon sa pamumuno sa kultura, serbisyo publiko, at pagkakawanggawa. Pinararangalan din ang mga indibidwal at institusyon na ang trabaho ay nagpapasigla sa mga komunidad at nagpapalakas sa bansa.

Pinangunahan nina Judy Ann Santos, Andres Muhlach, at Coco Martin ang mga gagawaran ng pagkilala sa telebisyon. Itinanghal na Best Station ang GMA 7; Best Morning Show ang Unang Hirit; Bst Noontime Show ang It’s Showtime; Best News Program ang 24 Oras; Best Documentary Program ang  I-Witness; Best Reality Show ang Pinoy Big Brother 2.0; Best Drama Series ang FPJ Batang Quiapo; Best Comedy Show,  Bubble Gang; Best Drama Anthology, Magpakailanman; Best Variety Show, ASAP; Best Celebrity Talk Show, Fast Talk with Boy Abunda; Best Drama Actor Coco Martin(Batang Quiapo); Bes Drama Actress, Carla Abellana (Widows War); Best Male TV Host, Dingdong Dantes (Family Feud); Best Female TV Host, Anne Curtis (It’s Showtime); AGENDA-Excellence in Business News Awards; Kapuso Mo, Jessica Soho, Journalism Lifetime Achievement Award; PAFTA Iconic Film Performance Award Judy Ann Santos; Breakthrough Performance Award Maris Racal;  PAFTA Youth Icon Award Andres Muhlach; at PAFTA Youth Icon Award Kai Montinola.

Ang mga nanalo naman sa larangan ng pelikula ay sina—Best Director Gabby Ramos (When Magic Hurts); Best Actress Marian Rivera and Rebecca Chuaunsu; Best Actor Dennis Trillo ( Green Bones); Best Supporting Actress, Gabby Padilla (Uninvited); Best Supporting Actor, Will Ashley(Balota), Best Child Actor, Enzo Osorio;  Best Child Actress Elia Ilano; Breakthrough Performance Euwenn Mikaell;  Most Promising Star, Kian Co;  Best Film, Balota; Best Screenplay, Anj Atienza and Ricky Lee; Best Cinematography, Neil Daza (Green Bones); Best Production Design, Jed Sicanggco and Jerann Ordinario (Outside), Best Editing, The Hearing; Best Visual Effects,  Espantaho; Best Original Story, Her Locket; Best Sound, Narra Post Production by Sound (Balota); Best Original Theme Song, Guilty Pleasure (Luha sa Dilim by Yanco).

Samantala, nilinaw naman ng PAFTA ang Facebook post ng FAMAS Board of Trustees na lumitaw ang dalawa sa mga opisyal ng PAFTA na hindi na associated sa academy. 

Anila, walang gusot sa kanila ng FAMAS subalit kinuwestiyon ng kanilang legal counsel ang pagpapalabas ng nasabing notice of disassociation lalo’t malapit na  ang PAFTA awarding.

Anila, malisyoso ang posting pero kompara sa FAMAS alam nilang baguhan silang organisasyon at established na ang FAMAS kompara sa kanila. 

Ipinangako ng PAFTA na pagbubutihin nila ang kanilang workshop sa talented individuals pagkatapos ng kanilang awards night sa February 21 sa Manila Hotel Centennial Hall.

Para sa ibang detalye at inquiries bumisita sa Philippine Arts, Film & Television, Inc. (PAFTA) Facebook page.