Ayanna aminadong sobrang intense ang mga eksena nila ni Andrew

SHOWBIZ KONEK
ni Maricris Valdez Nicasio

Inamin ni Andrew Muhlach na sobra siyang na-pressure sa role niya sa Siklo. Kakaibang Andrew kasi ang mapapanood sa Siklo na first time niyang ginawa sa mga nagawa na niyang pelikula.

Aniya, “kinausap ako ni Direk Roman sa mga ganoong eksena, pero bagong Andrew Muhlach ito para mag-grow pa ako as an actor kasi puro comedy ang ginagawa ko. Ito first time kong gumawa ng major action.”

Sinabi pa ni Andrew na nahirapan talaga siya sa eksenang halikan. “Mahirap para sa akin kasi first time kong makipag-kissing scene. Pero masaya naman at hindi ko makakalimutan ang experience na ito lalo pa’t si Direk Roman ang humawak sa akin.”

Hindi naman first time kay Ayanna Misola na magpaka-daring pero aminado siyang sobra-sobra ang ginawa niya dahil intense ang eksena nila ni Andrew.

“First time kong makipaghalikan talaga, kasi sa ‘Pornstar 2’ parang magkapatong lang ‘yung eksenang ginawa ko, kaya malaki ang kaibahang ginawa ko rito,” pag-amin nito.

Super daring din ang naging sagot ni Christine Bermas sa ginawa niya sa pelikula. “But we did it passionately,” anito.

“Tiwala kami kay Direk Roman, ginawa rin naman talaga namin ang part namin dito sa scene na ito,” sambit pa ng dalaga.

Sinabi naman ni Vince Rillon na sakto lang ang ginawa niya sa pelikula. “Magagaan kasi ang mga kasama ko rito sa pelikula. Tinanong ko naman ang mga limitations nila kaya nagkaroon kami ng connection para hindi kami mahirapan at maipakita ng maayos at magawa ang mga daring scene namin.”

Si Rob Guinto na bagamat baguhan ay sinabing bago niya tinanggap ang project ay alam na niya na may matitinding eksena siyang gagawin. “Alam ko naman na (daring scenes) andoon si Direk Roman para suportahan kaming lahat.”