Pagsayaw ni JC Garcia ng “Senorita” sa Tik Tok umani ng magagandang komento

Bukod sa Smule (number one online karaoke) ay visible rin ang SanFo based recording artist/dancer na si JC Garcia sa “in vogue” ngayong “Tik Tok.” Marami ang nagandahan sa cover version ni JC ng kantang pinasikat at composed ni Yeng Constantino na “Ikaw” na in fairness, ang sarap sabayan.

 

Majority ng mga kinanta ni JC sa Smule ay mga standard songs na relate much siyempre ang mga Tita’s at Tito’s of Manila kaya umaani ang kaibigan naming singer-internet radio anchor (JC) ng maraming views mula rito. Sa Tit Tok naman ay puro magagandang komento ang tinatanggap ni JC sa pagsayaw niya ng mala-Lambada song na “Señorita” ni Shawn Mendez at Camila Cabello.

 

Kahit man ang inyong kolumnista ay paulit-ulit na pinapanood ito pero hindi talaga nakasasawang panoorin ang nasabing sayaw ni JC. Pruweba na hindi lang siya magaling na biriterong singer kundi mahusay rin bilang dancer at choreographer.

 

Nakapag-perform na siya sa maraming bansa at talagang hinahangaan siya hindi lang ng mga kapwa Pinoy also ng mga banyaga. Miss na miss na pala ni JC na mag-concert at wait lang daw siya kung kailan ang resume ng live show sa iba’t ibang parte ng San Francisco, California. Remember he’s one of the most in-demand concert performer in US kasi the best naman talaga at crowd drawer pa.

VONGGANG CHIKA!
ni Peter Ledesma