HATAW! D'yaryo ng Bayan hatawtabloid.com
RAMDAM namin ang galit kay Karla Estrada lalo sa isang basher na may socmed name KACCH4N.
Grabe kasi ang mga naging bashing nito sa anak ni Karla na si Lella Ford, Kapamilya housemate na itinanghal na PBB Celebrity Collab Edition 2.0 Big Winner kasama ang Kapuso housemate na si Caprice Cayetano.
Ayon sa post ng isang KACCH4N, “Lella remember Emman, sana gawin mo rin pls? Naway ma depress sa mga comment at sundan niya si Emman. Di mo gets? Sana gets mo na.”
Bilang isang ina, hindi ito nais na palampasin basta na lang ni Karla lalo’t tila nag-uudyok itong gayahin ng anak ang nangyari sa yumaong anak ni kuya Kim Atienza.
“Ganito na ka sira ulo ang taong ito sa pinag sasabi nya. At dahil dyan hindi ko ito palalagpasin dahil hindi na ito katanggap tanggap. Hintayin mo ang balik sayo nitong pakiusap mo sa anak ko. sira ulo ka.Wala nang hindi matutunton ngayon KACCH4N. Nasasanay kayo na mag bash lang ng di nyo iniisip naka tiwangwang mga profile nyo kasama mga anak, mga magulang at pamilya nyo,” ganting sagot ni Karla.
As of this writing, kinonsulta na ni Karla ang kanilang mga abogado para sampolan ng tamang legal na kaso ang naturang basher.
Go Karla. Kasama at nakasuporta kami sa ganyang aksiyon na nais mong gawin. Dapat masampolan ang mga ganyang klaseng tao.
