VONGGANG CHIKA!
ni Peter Ledesma
FINALLY ay natuloy na rin sa GMA 7 si Beauty Gonzalez. Three years ago ay pipirma na dapat ng kontrata sa Kapuso si Beauty pero hindi ito natuloy dahil bigla siyang tinawagan ng Dreamscape Entertainment para sa teleseryeng “Kadenang Ginto.”
At blessing in disguise ang pagkakatanggap ni Beauty sa nasabing project dahil nakilala nang husto ang character sa KG bilang si Romina Andrada.
Ito ang nagpatingkad lalo sa pangalan ng actress at nagkaroon pa ng project sa TV 5 at ilang product endorsement. Pero sa kasalukuyang sitwasyon ng ABS-CBN, hindi lahat ng mga talent ng estasyon ay nabibigyan ng proyekto.
Beauty decided and her manager na tanggapin ang alok ng GMA, and as we heard ay isasama ang actress sa Book 2 ng Primadonnas. Isa pang malapit ng mag-sign up ng contract sa Kapuso o GMA Artists Center ay itong si Pokwang at ang nasabing talent arm ng Siyete ang hahawak sa career ng sikat na komedyante.
Samantala sina John Lloyd Cruz at Piolo Pascual kung gagawa man ng proyekto ang dalawang aktor sa GMA ay sila ay under kay Willie Revillame na balitang ang TV host-comedian ang producer ng kanilang shows rito.
Si Bea Alonzo naman ay inaantay lang ng bigwigs ng GMA kung tatanggapin ang offer nila sa sikat na actress.
