Chinese trader arestado sa tinderang minolestiya

ZAMBOANGA CITY- Arestado ang isang negosyanteng Chinese national makaraan molestiyahin ang 17-anyos niyang tindera sa bayan ng Sindangan, Zamboanga del Norte.

Kinilala ng Sindangan municipal police station ang suspek na si Yanhuang Zhang Xie alyas Jumong, 23, residente ng Fujien, Xiamen, China, at pansamantalang nakatira sa inuupahan nilang bahay sa Brgy. Disud sa nasabing bayan.

Mismong ang tiyahin ng dalagitang biktima na si Beverly Tigmo, 43-anyos, ang nagsumbong sa himpilan ng pulisya makaraan malaman ang insidente.

Agad umaksiyon ang mga pulis at nagsagawa ng follow-up operation na nagresulta sa pagkakadakip sa suspek.

Ayon sa imbestigador ng kaso na si SPO2 Carolyn Ubas ng Women and Children Protection Desk (WCPD) ng Sindangan municipal police station, unang araw pa lamang ng biktima kamakalawa bilang tindera sa tindahan ng suspek.

Nang matapos  linisin ng biktima ang kuwarto ng suspek ay bigla siyang itinulak at hinawakan ang maselang parte ng kanyang katawan.