Duterte inauguration off limits pa rin sa private media

NANANATILING ‘off-limits’ sa private media ang inagurasyon ni incoming President Rodrigo Duterte sa loob ng Rizal Hall sa Palasyo ng Malacañang.

Una rito, lumabas sa mga balitang pumayag na ang organizers at si Duterte na ma-cover nang lahat ng media ang kanyang inagurasyon sa Hunyo 30.

Sinabi ni Presidential Communications Office (PCO) Sec. Martin Andanar, papayagan ang siyam broadcast networks na makapagset-up sa Palace grounds o sa isang estratehikong lokasyon sa labas ng Palasyo para sa inaugural ceremonies.

Ngunit hindi pa rin aniya makapapasok sa Rizal Hall ang private media, bagkus tanging RTVM/PTV-4 ang magbibigay nang live feed mula sa loob.

Inaasahang tanging ang sendoff ceremony o departure honors para kay outgoing President Benigno “Noynoy” Aquino III ang magiging bukas sa media coverage at pagkatapos nito, tanging PTV-4 na government TV station, ang papayagang mag-cover sa Rizal Hall para ni Duterte at ng gabinete.