Comm. Lim magbibitiw sa puwesto

IHAHAIN na ni Commission on Elections (Comelec) Campaign Finance Office (CFO) Head Commissioner Christian Robert Lim ang kanyang resignation ngayong araw.

Ito ang kinompirma ni Lim dahil sa naging desisyon ng Comelec en banc na palawigin pa ang paghahain ng Statement Of Contributions and Expenditures (SOCE) hanggang Hunyo 30.

Kasunod ito nang kahilingan ng Liberal Party at standard bearer na si dating Interior Sec. Mar Roxas na i-extend ang paghahain ng SOCE.

Wala pang malinaw na paliwanag si Lim kaugnay ng kanyang pagbibitiw ngunit hindi raw niya tanggap ang “policy shift” ng komisyon.

Si Lim ay isa sa mga commissioner na bumoto kontra sa extension ng deadline para sa SOCE.

Ngunit sa botong 4-3, nagdesisyon ang Comelec en banc na palawigin ang paghahain ng SOCE hanggang sa katapusan ng Hunyo.