HATAW! D'yaryo ng Bayan hatawtabloid.com
Humakot ng plus 52.2 ELO rating points si super grandmaster Wesley So sa katatapos na Grand Chess Tour-Paris 2016 Rapid sa France.
Matapos ang third place finish ni 22-year-old So sa nasabing super tournament, umakyat sa 2704 ang Rapid rating nito.
May total 5.5 points si So, isa’t kalahating puntos na agwat sa nagkampeon na si GM Hikaru Nakamura ng USA habang second si reigning world champion GM Magnus Carlsen na may 6.5 points.
Nakaipon ng mataas na puntos si So nang talunin niya sa first round si Carlsen, malaki rin ang nasikwat ng Pinoy kay GM Levon Aronian ng Armenia nang paluhurin nito sa fourth round.
Sa Blitz event, hindi man maganda ang kanyang puwesto ay nakalikom pa rin ang Imus, cavite native So ng malaking puntos.
Nadagdagan ng 18.8 point ang ELO rating nito sa Blitz.
Umabot na sa 2744 ang rating ni So at pang 27 sa buong mundo sa Blitz.
Samantala, nakakapit pa rin sa No. 10 sa world si So na may standard ELO rating na 2770.
( ARABELA PRINCESS DAWA )
