P85-M ng Laoag LGU missing (Tesorera tumakas, sumibat sa Hawaii)

LAOAG CITY – Kinompirma ni Mayor Chevylle Fariñas ng lungsod ng Laoag, ang pagkatuklas sa mahigit P85 milyong nawawalang pera ng city government.

Ayon kay Fariñas, agad siyang nagpalabas ng memorandum kay City Treasurer Elena Asuncion upang magpaliwanag hinggil sa nawawalang pondo.

Ani Fariñas, ang sinasabing anomalya ay natuklasan mismo ng city accountant at lumalabas na nagsimula pa ito noong 2007.

Batay sa isinagawang inisyal na pagsisiyasat, natuklasan na gawa-gawa lamang ng city treasurer ang mga dokumento na nagpapatunay na idinedeposito sa mga banko ng city government ang mga pondo ngunit ang totoo ay hindi naman.

Agad din hiniling ng city government ang paglagay kay Asuncion sa watchlist ngunit ayon kay Paul Versoza ng Bureau of Immigration and Deportation sa Pangasinan, batay sa records ng ahensiya, nakalabas na si Asuncion noong Hunyo 14 patungong Honolulu, Hawaii lulan sa isang flight ng Philippine Airlines