Sugatang Pinoy sa China Airport Blast hinahanap

PATULOY na nakikipag-ugnayan ang Department of Foreign Affairs (DFA) sa Philippine consulate sa Shanghai, China kasunod ng ulat na isang Filipino ang nasugatan sa pagsabog sa Pudong International Airport.

Ayon kay DFA spokesman Charles Jose, inaalam pa nila ang pagkakilanlan at kalagayan ng naturang Filipino.

Una rito, napaulat na kasama ang Filipino sa limang nasugatan makaraan ihagis ng suspek ang isang home-made explosive malapit sa Terminal 2 ng airport.

Sinasabing inilagay ng suspek ang ginawang bomba sa isang bote ng beer at isinilid sa bag na itinapon sa ticketing center ng paliparan.

Nasa kritikal na kondisyon ang suspek makaraan laslasin ang sariling leeg.