Kylie, kaiba ang saya sa pagbabati nina Robin at Aljur

SA guesting ni Aljur Abrenica sa Tonight With Boy Abunda noong Friday, ikinuwento niya ang unang paghaharap nila ni Robin Padilla,  ama ng live-in partner niyang si Kylie Padilla sa isang family dinner last week.

Ang family dinner na ‘yun ay pamamanhikan na rin ng pamilya ni Aljur sa pamilya ni Kylie. Kasama nina Aljur at Kylie ang kani-kanilang pamilya, pati na ang anak nilang si Alas Joaquin.

“Dami niyang nasabing magaganda. Pero ‘yung maibabahagi ko lang ay sinabi ko sa kanya, ‘yung mga nangyari, ‘yung love story namin ni Kylie, kaya siguro naging Romeo and Juliet,” sabi ni Aljur tungkol sa pag-uusap nila ni Robin.

Napansin ni Aljur ang kakaibang saya ni Kylie noong gabing iyon na magkakasama sila.

“Masayahin si Kylie, pero noong gabing ‘yun, doon ko lang nakita ‘yung ganoong klaseng saya, eh, ‘yung relief.”

Sinabi pa ni Aljur na marami silang napag-usapan ni Robin at humingi  siya ng tawad dito ganoon din si Binoe,  na humingi rin ng pasensiya sa kanya.

“Opo. Humingi po siya ng paumanhin sa mga nangyari dati na kung bakit hindi niya kami masuportahan. At naintindihan namin kung bakit. Ang maibabahagi ko lang, ang sabi ko, ‘Pasensiya na, Tito Robin, na ngayon lang nangyari ito.’ Para ngang ang nangyari sa amin ni Tito Robin… para kaming magkaibigan na nagkuwentuhan. Pati siya, may payo siya bilang isang ama. Kung sino si Kylie sa kanya.Yung paano niya tingnan si Kylie, nakita ko, kung gaano niya kamahal ‘yung anak niya.”

MA at PA
ni Rommel Placente