HATAW! D'yaryo ng Bayan hatawtabloid.com
PUSH NA’YAN
ni Ambet Nabus
HATAW agad sa ratings ang pilot episode ng ikalawang season ng original dance series ng GMA Network na Stars On The Floor.
Base sa overnight NUTAM People ratings ng Nielsen Phils. noong February 15, nagtala ito ng 7.8% rating, malayo sa mga katapat nitong Your Face Sounds Familiar (2.7% combined rating sa All TV/ A2Z at Kapamilya Channel) at Vibe (0.8% rating sa TV5).
Pasabog ang opening number ng show, tampok ang host nitong si Alden Richards at ang Dance Authority na binubuo nina Marian Rivera, Coach Jay, at Rayver Cruz.
Sey ng ilang netizen, “Ang simple ng steps pero kapag si Marian Rivera sumasayaw napaka-graceful at sobrang ganda!”
Dagdag pa ng ilan, “Ang galing ng host galing pang sumayaw, nice one Alden.”
Samantala, ipinakilala na rin ang Celebrity Dance Stars na sina Rocco Nacino, Chanty, Sugar Mercado, at Paul Salas kasama ang mga P-Pop Dance Stars na sina Denise ng Calista, Jao ng Alamat, Jeromy ng Hori7on, Joker ng 1st.One, at Sophia ng Kaia.
Sa darating na Linggo naman ay ire-reveal na ang isa pang celebrity dance star na kukompleto sa season na ito. Sino nga kaya siya? Abangan sa Stars On The Floor Season 2 tuwing Linggo, 7:15 p.m. sa GMA.
