NANINIWALA si Senador at dating Senate President Francis “Chiz” Escudero na kapag tama ang proseso lalabas at lalabas ang katotohanan.
Ang reaksiyong ito ni Escudero ay kasunod matapos linisin ng Commission on Elections – Political Finance and Affairs Department (PFAD-COMELEC) ang kanyang pangalan kaugnay sa kontrobersiyal na P30 milyong campaign contribution mula sa isang kontratista.
Ayon kay Escudero, ang kanyang pagdedeklara sa kanyang Statement of Contribution and Expenses (SOCE) ay patunay na wala siyang itinatago at hindi siya nagsisinungaling.
“Since we first ran for public office in 1998, we have worked to consistently comply with our election laws because this is the foundation of public trust,” ani Escudero.
Idinagdag ni Escudero, “The Commission on Elections decision affirms what we have always believed and practiced—that transparency, honesty, and adherence to the rules matter, and that the truth prevails when the process is fair.”
Dahil dito mas lalo pang tumibay ang pagnanais ni Escudero na ipagpatuloy ang paglilingkod nang tapat sa bayan at mga mamamayan.
“The Comelec’s ruling strengthens my faith in our institutions and reinforces my commitment to continue serving with integrity and accountability,” ani Escudero. (NIÑO ACLAN)
HATAW! D'yaryo ng Bayan hatawtabloid.com