JK Labajo iniintriga ‘di pagdating sa premiere night ng kanilang movie

MA at PA
ni Rommel Placente

DUMALO sa premier night ng isang pelikula ni Piolo Pascual ang co-stars niya sa pelikulang Meet, Greet & Bye na sina Maricel Soriano, Belle Mariano, at Joshua Garcia. Pagpapatunay lang ito na sa suportang ipinakita ng tatlo kay Piolo, may nabuong magandang samahan sa kanila. 

Pero hinahanap ng iba si JK Labajo, na kasama rin  nila sa pelikula. Bakit daw no show ang singer-actor? 

Iniintriga tuloy sina Piolo at JK, na siguro raw ay hindi sila naging malapit sa isa’t isa.

Pero baka naman that time ay may previous commitment si JK.

Samantala, hindi man dumalo si Piolo sa malawakang rally against corruption noong nakaraang Sunday, nagsalita rin siya tungkol dito.

Bago kasi magsimula ang premier night, ay nagbigay muna ng mensahe si Piolo. 

Pinasalamatan niya ang lahat ng dumalo. At naisingit niya ang nangyayaring corruption sa ating bansa.

Sabi niya, “Muntik nang ma-cancel ‘yung premier because of the thyphoon, and we had to consider that.

“So, thank you for taking your time kahit may mga baha, kahit may mga corrupt. Ipinasok ‘yung corrupt,” natatawang sabi pa ni Piolo.

O  ‘di ba, pinaringgan ni Piolo ‘yung mga corrupt na politicians?