HATAW! D'yaryo ng Bayan hatawtabloid.com
MA at PA
ni Rommel Placente
GRABE ang pagmamahal at suportang ipinakikita kina Ashtine Olviga at Andres Muhlach ng kanilang mga faney, huh!
Nagpagawa lang naman ng 9 LED billboards ang iba’t ibang grupo ng fan club nila para sa promo ng launching movie nila na Minamahal..100 Bulaklak Para Kay Luna, na showing na ngayon sa mga sinehan.
O ‘di ba, yayamanin ang mga faney ng AshDres.
Kesehodang gumastos sila, masuportahan lang ang movie ng kanilang mga idolo.
Ang LED billboards ay hindi lang matatagpuan sa EDSA kundi maging sa Cagayan de Oro City.
Post nga ng isang grupo ng mga tagahanga ng AshDres, ang Amigas of AshDres, “EDSA won’t just be busy on September 24..it’s turning into a garden of kilig. Thanks to Minamahal.
“Our 9 LED billboards for Minamahal will officially light up the Metro to celebrate the first day showing of AshDres’ movie.”
Ang 9 LED billboards ay nasa EDSA Deca Tower, EDSA Boni Avenue, EDSA Shaw Intersection, EDSA GA Tower, EDSA Magallanes, EDSA Galleria Corporate Center, EDSA Sentinel Residences, C5, at Guadalupe.
