HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SA tumitinding isyu ng media outlets/anchors/hosts na kinuwestiyon ni Pasig City Mayor Vico Sotto, tila naglabasan din ang news personalities within the mainstream media, airing his/her story on such.
After na sumagot si ateng Korina Sanchez sa patutsada ni Mayor Vico, wala na tayong nabalitaan kung itutuloy ba nito ang posibleng pagsampa ng legal action.
Wala pa ring inilalabas na pahayag si Julius Babao na isa rin sa mga nag-interview/nag-feature sa mga Discaya na pinagmulan nga ng “media inquiry” ni Mayor Vico.
Hindi na rin nasundan pa ang sagot-puna ni Arnold Clavio kay Mayor Vico dahil tila mas marami ang nagtatanggol ngayon sa batang mayor.
Pinag-usapan din ang napakahabang post ni Niko Baua na may pa-blind item pang sinabi tungkol sa isang news anchor na nasa payroll umano ni Janet Napoles. At may mga sumunod pang umiikot na clips/interviews between and among news anchors talking about bribery, unlimited editing, political accommodation etc, kaugnay ng suhulan at bayaran umano.
Nakakaloka dahil tila may kung anong estado na ngang nakaka-alarma sa mga legit and mainstream media practitioners na dawit at sangkot sa mga katiwalian ng bayan.
