HATAW! D'yaryo ng Bayan hatawtabloid.com
PUSH NA’YAN
ni Ambet Nabus
KAWAWA rin naman si Alden Richards matapos ang rebelasyon ni Maine Mendoza.
Alam naming walang intensyon si Maine na masaktan si Alden at makatanggap ng negative reactions, pero sadyang malupit nga ang mga taong sa tingin nila ay “naloko” sila.
Hindi raw kasi ma-gets ng mga fan at supporter ng AlDub ang sinasabing “magic” ni Alden kaya’t hindi nito diretsong masagot ang noo’y naging tanong ni Maine.
“May pa-magic-magic pa siya eh answerable by yes or no naman ang tanong ni Menggay (Maine) tungkol sa totoong nararamdaman nito dahil mahal na nga ni Maine si Alden that time,” sigaw ng mga fan ni Maine.
“Kaya huwag siyang mag-inarte na baka mawala ang magic dahil obvious namang ginamit lang niya si Maine. Ewan ba namin sa taong iyan, kahit sa mga ibang babaeng artista na na-link siya, never siyang naging totoo,” dagdag pa ng mga ito.
Well, lumang usapin na ang pinag-uusapan na naging topic lang kamakailan sa vlog ng mga Dabarkads at marespeto namang sinagot ni Maine.
In fact, nakiusap pa nga si Maine na huwag naman sanang i-bash o paratangan ng kung ano-ano si Alden dahil matagal na at napag-usapan na nila ang nakaraang mga ganap.
Talaga lang may mga kuwentuhan daw ang Dabarkads na kahit matagal nang nangyari ay laman ng kanilang tsismisan, tawanan, at okrayan.
