Mga empleado ng ABS-CBN emosyonal, tower gigibain na

PUSH NA’YAN
ni Ambet Nabus

EMOSYONAL ang ilang mga contract stars, executives, at mga empleado ng ABS-CBN sa ginawa nilang seremonya last July 9.

Ito nga ‘yung pormal na pamamaalam dahil aalisin o gigibain na ang ABS-CBN compound na nakatayo ang tinatawag na Iconic Millennium Tower o ang ABS-CBN Tower.

Simula nga nang makabalik ang network noong 1986 after itong ma-establish as ABS-CBN broadcast network in the 60’s (nagsimula ang company in 1946), ngayong 2025 na nga ito mamamaalam.

Although alam naman nating lahat na masaya na ang kompanya sa pagiging content provider ng programs at pakikipag-collab sa broadcast industry, may bahid pa rin siyempre ng lungkot sa mga taong nagsilbi at naging bahagi ng network.

Personally, sobra rin kaming nalungkot dahil halos naging bahagi rin kami ng ABS-CBN for 20 years (officially) at kung isasama ang mga taon na nag-OJT kami from 1986 to 1989, may plus 3 pa.

But we all have to move forward and be the useful individuals we need to be.