HATAW! D'yaryo ng Bayan hatawtabloid.com
MA at PA
ni Rommel Placente
NAKATUTUWA naman itong isang lalaking fan ni Daniel Padilla na taga-Marawi na nagtatampo dahil lokong-loko na raw sa aktor ang lahat ng girls sa Marawi.
Nag-post ito sa kanyang social media account na ang sabi, “Hindi na kita idol, Daniel, kasi inubos mo lahat ng chix namin dito sa Marawi.”
Obviously, biro lang ito ng faney.
At kaya naman nasabi niya ‘yun, dahil nang mag-taping sa Marawi ang cast ng seryeng Incognito, na isa si Daniel sa mga bida, ay talagang pinagkaguluhan siya roon ng mga babaeng faney.
Ang daming lumalapit kay Daniel para makamayan at magpa-picture.
At kahit sa tinutuluyang hotel ni Daniel, ay nakabuntot at nakaabang ang mga babaeng faney niya. Mabuti na lang at hinaharap sila ng ex ni Kathryn Bernardo at nakikipagkwentuhan at nagpapa-picture sa kanila.
