Kris balik-trabaho, 3 araw bed rest

MA at PA
ni Rommel Placente

KAHIT simple ay naging memorable para kay Kris Aquino ang pagdiriwang ng kanyang kaarawan noong February 14, na nagkataong Valentine’s Day din. 

Dinagsa siya ng mga regalo, flowers, stuffed toys at iba pa mula sa mga nagmamahal sa kanya.

“I want to thank all my friends for taking time to greet me last night (asalto) and my friends from OC, who flew in. But above all- I thank you for being with me, kuya josh, and bimb during my journey towards recovery,” caption ni Kris sa kanyang IG account.

Abangers naman ang mga faney ni Kris kung kailan ba talaga siya babalik sa trabaho. Last year kasi ay nasabi niyang baka makaya l niyang bumalik sa telebisyon pero hindi ‘yun nangyari. Naiintindihan naman ‘yun ng kanyang mga taga-suporta dahil sa pabago-bago ring lagay ng kanyang kalusugan. 

Sa post naman ng malapit niyang kaibigan, ang dating showbiz editor na si Dindo Balares, sinabi nitong sinubukan ni Kris na magbalik sa trabaho. Pero kasunod daw nito ay nag-bed rest si Kris for three days. 

Hindi na siya nagsabi pa ng detalye kung ano ang work na ginawa ni Kris at hindi naman siya pwedeng magbigay ng details. 

The fact na kinaya ni Kris na mag-work kahit isang araw, napakagandang senyales nito. Na ibig sabihin ay bumubuti na siya talaga. 

Dasal ng kanyang fans na sana nga ay  magtuloy-tuloy na ang magandang pakiramdam ni Kris.