Mga atletang kadete ng Philippine Army una sa Visayas Leg ng ROTC Games 2024

NANGUNA ang mga atletang kadete mula sa Philippine Army sa Visayas qualifying leg ng Philippine Reserve Officers Training Corps (ROTC) Games 2024, na ginanap sa lungsod ng Bacolod, kamakailan.

Nakapag-ipon ang mga kadete ng Philippine Army ng kabuuang 204 medalya, binubuo ng 74 ginto, 60 pilak, at 70 tanso.

Inilabas din ng mga atletang kadete ng Philippine Navy ang kanilang kahusayan sa pag-angkin ng kabuuang 129 medalya, kabilang ang 43 ginto, 35 pilak, at 42 tanso.

Samantala, nakakuha ng impresibong 149 medalya ang mga atletang kadete ng Philippine Air Force, na may 20 ginto, 44 pilak, at 51 tanso.

Pinuri ni Sen. Francis “Tol” Tolentino, na naglilingkod bilang Karangalang Chairman ng ROTC Games, ang lahat ng mga kadeteng atleta sa kanilang kahusayan at sportsmanship.

Ipinahayag ni Tolentino ang kanyang pasasalamat sa lahat ng mga lokal na yunit ng pamahalaan na nag-host ng iba’t ibang lugar ng kompetisyon.

Ang leg sa Mindanao ay nakatakdang gawin mula 23-29 Hunyo 2024 sa Lungsod ng Zamboanga, habang ang leg sa Luzon ay gaganapin sa Indang, Cavite, mula 28 Hulyo 28 hanggang 3 Agosto. Ang pambansang kompetisyon ay nakatakdang gawin mula 18-24 Agosto 2024 sa Indang, Cavite. (NIÑO ACLAN)