HATAW! D'yaryo ng Bayan hatawtabloid.com
COOL JOE!
ni Joe Barrameda
HINDI sukat akalain ng mommy ni LA Santos na pauunlakan sila ni Ms Maricel Soriano sa pelikulang In His Mother’s Eyes na ipinagdarasal nila na makapasok sa Metro Manila Film Festival sa December.
Napanood namin ang trailer ng movie at hangang-hanga kami sa ipinamalas ni LA na nakipagsabayan sa galing nina Maricel at Roderick Paulate. Ayaw ni LA na mapahiya sa dalawang senior stars.
May insidente raw na sa sobrang pag-internalize ni LA ay sumama ang pakiramdam at kinailangang dalhin sa ospital.
Ipinagmamalaki ng ina ni LA ang ginawa ng kanyang anak sa pelikula at sinabing ibinuhos talaga ng anak ang kakayahan sa pag-arte.
Sa napanood naming mga clip ng movie ay naniwala naman kami.
Kaya wish namin na makapasok ito sa Metro Manila Film Festival. Ito ang pagbabalik ni Maricel sa paggawa ng pelikula. Sana lahat ng pelikula ng mga veteran actors ay makapasok at maging masigla ulit ang pelikulang Filipino.
