Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag ko na rin siyang celebrity dahil mga sikat na taga-showbiz ang nakapaligid sa kanya. Ito ay sina Aga Muhlach, Derek Ramsey, Albert Martinez, Isabel Diaz at ilan pa na hindi ko na matandaan. 

Lahat sila ay willing sumuporta at maging panauhin niya sa kanyang show huh. 

Ngayon ko lang na-realize kung bakit siya nabansagang Mr Freeze dahil sa ice business ng ama na pinalago niya ng bonggang-bongga. 

Dahil sa yelo business niya marami siyang natulungang maliliit na tao at napalaganap niya ang negosyo niya. Kaya matatawag natin siyang “Ice Magnate.”

Sa launching ng Negosyo Goals ay pinatunayan lang na walang problema sa AllTV Network at tuloy-tuloy na muli ang operation ng network. Kaya lalong sisigla ang television industry.

 Si Ivy Ataya, CEO ng Makers Mind Media Production ang Executive Producer ng Negosyo Goals.