Gin Kings namumuro na sa titulo

ISANG panalo na lang, kakabigin na ng Barangay Ginebra PBA Governors Cup title.

Punung-puno ng aksiyon ang paghaharap ng Gin Kings at Meralco Bolts sa Game 4  nang patikimin ng kaba ng Bolts ang Gins sa third at  fourth quarter na kung saan ay hinabol ang kanilang 14 puntos na kalamangan sa nasabing bahagi ng laro.

Hindi tuluyang nagiba ang diskarte ng Ginebra nang pigilan ni Best Import Justin Brownlee ang remate ng Meralco.

Kumana si Brownlee ng kabuuang 40 puntos 11 rebounds, 5 assists at 2 block shots.

Malaki rin ang ginampanang papel ni Christian Standhardinger na siyang naging   kaagapay  ni Brownlee sa 4^th canto ng laro para ilayo uli ang iskor sa 102-97.

Bumida rin sa nasabing quarter sina Thompson at Tolentino sa huling quarter para  palobohin ang kalamangan sa 94-80 sa huling walong minuto   bago rumemateng kapos  ang Meralco sa huling bugso ng laban at matapos ang bakbakan sa iskor na 115-110 pabor sa Gins.