HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAKAKAKILIG. Nakakahiya. Pressured. Thankful. Ito ang kapwa tinuran nina Joshua Garcia at Charlie Dizon nang may nagsabing sila ang bagong John Lloyd Cruz at Bea Alonzo ng ABS-CBN lalo’t magkasama sila sa bagong drama series ng ABS-CBN, ang Viral Scandal na mapapanood na ngayong Lunes, Nov. 15.
“Siyempre nakakikilig ‘yun na mai-compare kami kina John Lloyd and Bea pero nakahihiya rin kapag nalaman nila ‘yun. Ha-hahaha!
“Nahihiya ako sa kanila. Pero siguro thankful ako na ‘yun ang nakikita ng mga tao. Pero at the same time nakaka-pressure rin and sana makita rin nila kami bilang Charlie at Joshua,” sambit ni Charlie nang maikompara sila kina John Lloyd at Bea sa isinagawang virtual media conference.
“Ilang beses ko na kasing narinig ‘yun, eh. Deja vu ‘yung feeling. Kung sakali na ganoon talaga iniisip nila, well siyempre thankful ako dahil siyempre mga mabibigat na artista ‘yun ‘di ba, kilala sa larangan ng pag-arte. So roon pa lang masaya na talaga ako. Ayun lang naman masasabi ko,” sambit naman ni Joshua.
Thankful naman kapwa ang dalawa na finally ay mapapanood na ang kanilang drama series, “Sobrang excited na ako kasi finally eere na kami. Na-excite ako para sa buong team kasi nakita ko talaga ‘yung pagod nila niyong buong cycle namin. Nasa labas kami lahat nagtratrabaho sa bubble,” ani Charlie.
“Lahat ng hirap ng cast magbubunga na ngayon at mapapanood na ng madla. Alam ko pinaghirapan nila ito para ma–entertain ‘yung mga tao kaya sobrang excited na ako na makita ng mga tao ‘yung trabaho na ginawa namin,” sabi naman ni Joshua.
Mapapanood na ang Viral Scandal sa Kapamilya Channel, TV5, A2Z, Kapamilya Online Live, iWantTFC, at TFC IPTV simula sa Nov. 15. Kasama rin dito sina Dimples Romana, Jake Cuenca at marami pang iba.
