Wednesday , May 29 2024
Jake Cuenca

Jake iginiit ‘di nakainom, pulisya walang mailabas na medical report

FACT SHEET
ni Reggee Bonoan

KASALUKUYANG naka-quarantine ngayon si Jake Cuenca bilang paghahanda sa nalalapit niyang lock-in taping ng teleseryeng Viral kasama sina Dimples Romana, Charlie Dizon, at Joshua Garcia mula sa RCD Narratives nitong Oktubre.

Sa pagkakaalam namin, 10 days quarantine ang kailangan bago pumasok sa lock-in taping eh paano ‘yun, na-expose si Jake nitong Sabado ng gabi dahil sa nangyaring insidente with the Mandaluyong police dahil nagkaroon ng anti-Marijuana operation.

“Kaya nga mauurong ang pagpasok niya sa lock-in taping dahil nga sa nangyari, pero idadaan naman siya sa PCR test,” kuwento ng kampo ni Jake.

Ikinuwento pa ng kampo ng aktor, “hangga’t maaari ayaw niyang makipag-usap kasi ang daming nagtatanong, may trauma. Tapos dumagdag pa ‘yung mga nababasa niya sa social media, sobrang bina-bash siya, sabi ko nga ‘wag na muna magbasa kasi mai-stress lang talaga siya.”

Oo nga, daming nagsabing binigyan si Jake ng VIP treatment sa Mandaluyong Police Station dahil artista at sinabi pang nagkaroon ng areglo.

Tinanong naman namin ang tungkol sa tweet ni Paulo Avelino na ayon sa kanya ay hindi pa pala nakarating si Jake sa bahay ng kaibigang aktor. 

Base kasi sa source namin na malapit kay Jake na isinulat namin dito sa Hataw ay galing siya kay Paulo at pauwi na noong nagkaroon ng habulan.

Say ng kampo ni Jake, “oo nga, nalito na kasi, si Jake kasi lito noong kausap, takot na takot kasi binabaril siya, pasigaw na siya nagkukuwento hindi niya alam bakit siya binabaril. Hindi siya nakainom kaya nga walang mailabas na medical report kung nakainom or something kasi wala talaga. 

“Kasi under quarantine nga si Jake so hindi siya puwedeng uminom o anuman, nataon lang na gusto niyang damayan si Paulo kasi nga kagagaling lang sa sakit. Hayan ang nangyari kaya alam mo ‘yung takot niya bakit siya umabot sa ganoong sitwasyon? May work siya, need niyang mag-quarantine tapos ganyan nga.”

Bukod pala sa Viral TV series ay may dalawang pelikula pang naghihintay kay Jake, isa mula sa OctoArts at isang international film na nandito na sa Manila ang ilang miyembro ng productions.

“Kaya nga ‘di ba, isipin mo ang daming work tapos nagkaganyan pa. Kaya ayaw ako kausapin muna ni Jake now,” sambit ng kampo ng aktor.

About Reggee Bonoan

Check Also

Alfred Vargas Piolo Pascual FAMAS

Best Actor award ng FAMAS sinungkit ni Alfred Vargas, ka-tie ni Piolo Pascual

ALAM MO NA!ni Nonie Nicasio NAPALUNAN ni Alfred Vargas ang kanyang unang FAMAS Best Actor …

Online gambling target lusawin ng Manila solons

Online gambling target lusawin ng Manila solons

DESIDIDO ang dalawang konggresista ng Maynila na lusawin ang ang namamayagpag na sugal sa online …

Kris Bernal Hailee Lucca

Kris Bernal problema pa rin paghahanap ng yaya sa anak

MATABILni John Fontanilla MAY isang taon na pala simula nang mag-post si Kris Bernal sa kanyang social …

Eva Darren FAMAS Sheena Palad Tirso Cruz III

Kontrobersiya laging kakabit ng FAMAS

I-FLEXni Jun Nardo HAYAAN na ninyo ang FAMAS. Humingi na rin naman ito ng apology sa …

Mic Singing

Singer alsa balutan sa holding area nang sabihang ‘Bakla Ka!’ ni Gay make up artist 

I-FLEXni Jun Nardo TINAWAG na bakla  ng isang gay make up artist and stylist ang isang klosetang singer nang …