Tuesday , March 19 2024
Francine Diaz, Alvin Professional Skin Care

SIKRETO NI FRANCINE SA MAGANDANG MUKHA IBINAHAGI

HARD TALK!
ni Pilar Mateo

SA isang tsikahan sa miyembro ng Gold Squad na si Francine Diaz, inamin nito na bata pa lang siya, napaka-simple lang ng naging regimen niya sa pag-aalaga sa kanyang sarili, lalo na sa mukha.

Sabon at tubig lang.

Kaya naman, nang magdalaga na siya at nagsimula ng magsilabasan ang mga tsismis sa kanyang mukha gaya ng mga taghiyawat at iba pang mga bagay na toxic na tumatabon sa ganda ng mukha, natutunan na niyang alagaan ito.

“Kaya lang po, kahit na soap and water lang ang ginagamit ko sa mukha ko, kahit maya’t kaya ko siyang gawin, mayroon pa ring naiiwan na dumi sa mukha ko.”

Kaya ang pagdating ng Dr. Alvin Professional Skin Care sa buhay ng dalaga eh, isang blessing.

“Isa sa ipinagpe-pray ko noong nandito na ako sa showbiz eh, ang magkaroon ako ng ieeendosong skin product. Na personal ko ring magagamit.”

Sa rami ng pinagpilian nila para muling sumakay sa pagpo-promote ng mga produkto nila gaya ng patok na patok na Rejuvenating Set, sinabi ni Dr. Alvin Matulak na hindi lang ang pisikal na ganda ni Francine ang nakahikayat para kunin nila ang serbisyo nito kundi ang pagiging confident nito, simple, ang kababaang-loob at mga ugaling nagustuhan nila nang makilala ito.

Twenty three years na pala sa negosyo ng pagapaganda ang Dr. Alvin. At pinatototohanan na sila ang kauna-unahang nabigyan ng FDA approved sa produkto ng pagpapaganda. 

Seventeen years old pa lang si Francine kaya parang hindi raw yata bagay na rejuvenating set of pampa-beauty ang bitbitin nito.

Say ni Dr. Alvin at ni Francine na rin, may iba’t ibang set para sa sari-saring edad ang rejuvenating set na sinasabi. 

Kaya ang mga nasa edad ni Francine ay lalo lang maaalagaan ang kanilang balat kapag ginamit na ito.

May mga hinahangaang kagandahan si Francine sa balat ng showbiz dahil sa taglay na magagandang mukha ng mga ito. Sina Kathryn Bernardo, Liza Soberano, at Anne Curtis.

Tawang-tawa si Francine, na inaantabayanan ang journey sa karakter niya as Joy sa Huwag Kang Mangamba sa Kapamilya dahil nabuking ang kapilyahan niya noong kabataan niya.

“Naging tamad. ‘Pag pinaghihilamos na o kaya inuutusan ng maligo, hindi agad sumusunod at minsan nakakalimutan o hindi na nagagawa. Kaya lesson learned sa akin now para all the more na alagaan ko not just my face but my health and hygiene. Kaya isa sa goal ko ‘yan na na naka-focus ako. Noong mataba ako, magpapayat daw ako. Noong pumayat naman ako magpataba raw ako. So, in whatever I do, sarili ko na ang susundin ko.”

Si Francine ang bagong endorser ng matagal na sa merkadong Dr. Alvin. Nauna na sina Joshua Garcia at Kiera Balinger.

At least, ang hindi maalaga sa balat niya na nakakalimutan pa ang pagligo ay nakahanap ng katapat niya na tuloy-tuloy na mag-aalaga sa kanya para lalo pang umangat ang kagandahan.

May nagsabi nga na pwede siyang sumali sa beauty pageants. And be a beauty queen. Tinutulan lang ang pagsasalita ng patapos ni Francine na hindi ‘yun para sa kanya.

Sa ngayon, hindi talaga o wala sa hinagap niya na asamin ‘yun.

Kung sabagay, ang maging endorser ng beauty product eh, ipinagdasal niya. At eto na nga.

Malamang may iba pa siyang gusto pang ipanalangin.

About Pilar Mateo

Check Also

Marc Logan TV5

Marc Logan pumirma sa TV5, mapapanood na sa Top 5 Mga Kwentong Marc Logan

KASAMA na ang kilalang broadcaster na si Marc Logan sa hanay ng mga talento ng TV5 matapos pumirma ng …

Repakol Siakol

REPAKOL patuloy na lumalaban para maibalik pangalang SIAKOL 

ni Allan Sancon HINDI kaila sa atin ang success at failure ng mga ilang music …

Marianne Beatriz Bermundo Khristine Kate Almendras Ornopia

Young beauty queens Marianne at Khristine gustong sundan yapak ni Kathryn 

ni ALLAN SANCON  KASABAY ng paglulunsad ng 3rd edition ng Aspire Magazine na ginanap sa Robinson’s Novaliches …

Pia Wurtzbach Khristine Kate Almendras Ornopia

Pia Wurtzbach idolo ni Miss Universe SuperGrand Prix 2023 Khristine Ornopia

MATABILni John Fontanilla MAGANDA, matangkad, at napakahusay sumagot sa mga katanungan ang 12 year old …

Teejay Marquez

Teejay Marquez dream house ipinagagawa na  

MATABILni John Fontanilla SINISIMULAN nang gawin ang dream house ni Teejay Marquez sa Quezon City. Kuwento nito …