HATAW! D'yaryo ng Bayan hatawtabloid.com
I-FLEX
ni Jun Nardo
BIBIGYAN ng sariling segment si Maja Salvador matapos siyang opisyal na pumasok sa Eat Bulaga bilang Dabarkadas noong Sabado.
Si Maja ang host sa segment na DC 2021 o Dance Classics 2021 ng Bulaga na ihu-host niya. kaya hindi lang siya guest noong Sabado.
Sa pag-welcome kay Maja ng EB Dabarkads na sina Ryan Agoncillo, Jose Manalo, at Allan K, nagpasampol siya ng galing sa pagsayaw at pagbigay ng makabagong touch ng mga dance hit na pinasikat noon ng EB.
Touching ang video na ipinalabas dahil nakikita ang isang bata na sumisilip sa bintana para makapanood ng Bulaga. May interviews pa ng mga taong naging bahagi ng kabataan ni Maja.
Ang pagiging bahagi ni Maja sa EB ay para na rin sa kanyang ina na nami-miss na siyang magsayaw sa TV.
“Ma, heto na ako sa ‘Bulaga’ na dati nating pinanonood lang sa TV sa Aparri. Regalo ko sa inyo ito!” sambit ni Maja.
Noong Sabado ang kaarawan ng ina ni Maja.
