DJ Loonyo wish maka-collab si Niana Guerrero

MA at PA
ni Rommel Placente

SA guesting ni DJ Loonyo kamakailan sa show namin sa FYE Channel sa Kumu na Showbiz Cafe, tinanong namin siya kung sino ang mga hinahangaan niya pagdating sa pagsasayaw. Kilala at sikat kasi siya bilang isang dancer.

Ang sagot niya, ”Marami! Noong elementary ako, Streetboys, Maneuvers, UMD (Universal Motion Dancers). Right now, andyan pa rin po. For me, pinakamagaling na perfomer/dancer, si Sir Gary V (Valenciano) pa rin.”

Nalaman din namin na nagsimula pala si DJ Loonyo bilang back-up dancer. Sa ASAP Natin ‘To, naging back-up dancer siya nina Maja Salvador at Rayver Cruz noong bahagi pa ng nasabing musical varietry show ang dalawa.

Natutuwang ikinuwento niya na si Rayver ay nakasama niya na ulit na magsayaw. Pero hindi bilang back-up dancer lang nito, kundi sila ang bida sa isang production number at may back-up dancers sila. Nakasama na rin niya si Billy Crawford na magsayaw sa Laugh Out Loud (LOL).

Pangarap naman niyang maka-collab sa pagsasayaw si Niana Guerrero dahil napakagaling nito sa pagsasayaw. Si Niana ang isa sa itinuturing na Superstar sa social media.

Samantala, hinahalintulad ni DJ ang buhay sa isang roller coaster na minsan ay nasa itaas, minsan nasa gitna at nasa ilalim. 

Sumang -ayon din siya sa amin that social media can make and break you. 

Pero natutunan na lang niya ang i-handle anumang intriga basta para sa kanya ang importante ay marami pa ring sumusuporta sa kanya.