HATAW! D'yaryo ng Bayan hatawtabloid.com
ARESTADO ang isang lalaki dahil sa pagwawala at pagpapaputok ng baril sa San Andres, Bukid, Maynila.
Hawak ngayon ng Manila Police District – Sta. Ana Station (MPD-PS6) ang supek na si Fredelyn Logro, 42, may live-in partner ng 1664 Onyx St., San Andres Bukid, Maynila.
Sa ulat, nagsasagawa ng checkpoint ang mga operatiba sa kahabaan ng Roxas St., kanto ng Onyx St., nang lumapit si Melody Untalan, secretary ng Barangay 775 Zone 84 at inireklamo ang suspek na nagpaputok ng baril.
Agad pinuntahan ng mga operatiba ang nasabing lugar na inabutang nagwawala ang suspek at naglalakad sa Onyx St., kaya agad naaresto.
Narekober sa suspek ang isang .38 kalibre ng baril at limang bala. Nakuha rin sa lugar ang isang basyo ng bala matapos magpaputok.
Isasalang sa inquest proceedings sa Manila City Prosecutors Office ang suspek. (VV)
