Bebot pinulutan ng katagay

ARESTADO ang isang maintenance service worker nang pagsaman­talahan ang isang 22-anyos na babae na kanyang nakainuman sa Malate, Maynila.

Kinilala ang suspek na si Francis Martin, 34, may live-in partner, residente sa Blk 56 Lot 9, Mabuhay Homes Phase 2E, Barangay Dila, Sta. Rosa, Laguna.

Sa ulat, nangyari ang panghahalay sa loob ng Unit No. 1102 Imperial Tower Condominium, A. Mabini Street, Malate, Maynila dakong 4:00 am.

Nauna rito, nag-inuman sa fire exit area ng condominium si Martin at biktima na itinago sa pangalang Judy, may live-in partner, taga-Libtong Meycauayan, Bulacan kasama ang iba pa nilang kaibigan.

Matapos ang kanilang inuman bumalik ang biktima sa kanilang condo unit at habang papasok, bigla siyang hinatak ni Martin saka pinaghu­hubaran at sapilitang ginahasa.

Hindi naman umano nakapanlaban ang biktima ngunit agad nagsumbong sa kaniyang kinakasama at humingi ng saklolo sa Remedios PCP kaya naaresto si Martin.

Kasong paglabag sa RA 8353 o The Anti-Rape Law of 1997 ang isasam­pa sa Manila Prosecutors Office laban kay Martin.

(VV)