HATAW! D'yaryo ng Bayan hatawtabloid.com
ABA, parang handa nang malaos si Ellen Adarna! Itinigil n’ya sa mismong Valentine’s Day ang Instagram n’ya!
Kundi na siya mag-i-Instagram, paano siya mananatili sa kamalayan ng madla na sabik libangin ang mga sarili nila tungkol sa anumang kaganapan sa buhay ng mga artista at iba pang showbiz idols?
O balak ba n’yang isawsaw na lang ang sarili n’ya sa mga post ng naakit at mistulang “naibilanggo” n’ya sa buhay na si John Lloyd Cruz?
O pati ba ang dating napaka-popular na aktor ay ititigil na rin ang pag-i-Instagram n’ya?
Aba, pareho na silang malalaos n’yan! Wala na rin namang showbiz project ang aktor dahil indefinitely suspended siya ng Star Magic. Nagsimula ang suspension n’ya noong bumuntot-buntot na siya kay Ellen at nag-post siya sa Instagram ng mga litratong mukhang lasing na lasing siya.
Pareho sila ni Ellen na may reputasyong mahilig sa alak.
Pero posibleng ang dahilan ng ‘di muna pagpapakita ni Ellen sa Instagram ay para ikubli pa rin ang pagbubuntis n’ya. Maaaring totoo na may endorsement contract siyang nilalabag sa pagdadalantao n’ya.
Oo nga pala, @maria.elena.adarna ang Instagram ni Ellen at @ekomsi naman ang kay John Lloyd.
(DANNY VIBAS)
