Tuesday , July 16 2024
Paolo Contis John Lloyd Cruz
Paolo Contis John Lloyd Cruz

Paolo Contis, pantapat kay John Lloyd

POSITIBO ang lahat ng reaksiyon ng mga nanood ng Through Night and Day premiere night noong Lunes na pinagbibidahan nina Paolo Contis at Alessandra de Rossi.

Kung anong grabe ng tawanan, siya rin namang hindi mapigil ang ‘di maluha sa bandang hulihan ng pelikula.

Ang Through Night and Day na handog ng Viva Films at OctoArts Films ay unang pelikulang ginawa ni Paolo pagkaraan ng maraming taong ‘di niya paggawa ng pelikula. Ito rin ang kauna-unahang pagkakataong naging leading man siya sa isang love story. Gayunman, hindi naman makukuwestiyon ang galing ni Paolo sa pagkokomedya at pagdadrama.

May nagsabi ngang, may katapat na si John Lloyd Cruz sa mga ganitong tema ng pelikula, si Paolo dahil sa tuloy-tuloy na pag-agos ng luha niya.

Si Alessandra naman na ngayo’y isa na ring producer ay hindi rin matatawaran ang galing sa paggawa ng mga ganitong klase ng pelikula lalo’t nasubok na nang mag-hit ang Kita Kita.

Natural na lumabas ang chemistry ng dalawa kaya hindi pilit na gumanap silang magdyowa. Kasi naman, matagal na rin ang pagkakaibigan nila at madalas na ring magkatrabaho. Kaya ‘yung mga tagpong nagkukulitan at naglalambingan, natural na lumabas.

Ang sabi nga, dapat gawin din ng magdyodyowa ang ginawa nina Paolo at Alessandra, ang mag-out of the country para madiskubre hangga’t maaga ang kanya-kanyang ugali.

Maganda ang pelikula kaya ‘di nakapagtatakang binigyan ito ng Grade A ng Cinema Evaluation Board (CEB). Sulit din ang ibabayad ninyo sa mga sinehan dahil maganda talaga ang pelikula.

SHOWBIZ KONEK
ni Maricris Valdez Nicasio

 

Estudyante ni Ogie Diaz, nag-ala Sarah Geronimo

Estudyante ni Ogie Diaz, nag-ala Sarah Geronimo

About Maricris Valdez Nicasio

Check Also

Maris Racal Rico Blanco Anthony Jennings

Maris nilinis pangalan ni Anthony; Rico pinagtagpo pero hindi itinadhana

SHOWBIZ KONEKni Maricris Valdez Nicasio “ANTHONY is out of the picture.” Ito ang agad na nilinaw …

60th Binibining Pilipinas 2024

Mga reyna ng Binibining Pilipinas pinarangalan

MATABILni John Fontanilla NAKATUTUWA at kahanga-hanga ang katatapos na 60th Binibining Pilipinas Coronation Night na pinagsama-sama ang …

Jessy Mendiola Rico Yan

Jessy Mendiola tinuligsa puntod ni Rico Yan ginawang tourist spot  

MA at PAni Rommel Placente TILA hindi nagustuhan ni Jessy Mendiola ang ginagawang paggamit ng ilang netizens …

Billy Crawford

Hindi ako adik — Billy Crawford

MA at PAni Rommel Placente PAYAT ngayon si Billy Crawford. Sinasabi tuloy ng iba na gumagamit …

Michelle Gumabao

Michelle gustong tutukan akting, hosting 

I-FLEXni Jun Nardo IPAGPAPATULOY ng volleyball player na si Michelle Gumabao ang naudlot niyang showbiz career nang …

Leave a Reply

Your email address will not be published. Required fields are marked *