Thursday , April 17 2025

Wala pang ebidensiya laban sa Sanofi — DoH

ISANG masusing pag-aaral pa at imbestigasyon ang kailangan upang magkaroon ng konkretong solusyon kung may pananagutan o wala ang French pharmaceutical company na Sanofi Pasteur sa kontrobersiyal na P3.5 bilyong dengue immunization program ng pamahalaan.

Ito ay matapos aminin ni Department of Health (DOH) Undersecretary Rolando Enrique Domingo sa kanyang pagdalo kahapon sa pagdinig ng Mababang Kapulungan ng Kongreso ukol sa Dengvaxia nang siya ay tanungin ni Rep. Estrellita Suansing kung mayroong pananagutang kriminal ang Sanofi sa naturang kontrobersiya.

Ayon kay Domingo, sa kasalukuyan ay nais muna nilang tapusin ang isinasagawang imbestigasyon upang magkaroon ng konkretong resulta para sa pagsasampa ng kaso kung sino ang dapat panagutin.

Maging si Health Secretary Francisco Duque III ay aminadong ang inilabas na findings ng UP-PGH ay preliminary at kung bubusisiin ang nilalalaman ng naturang report nakasaad na kailangan pa ang malalimang pag-aaral.

Magugunitang nagsagawa ng pag-aaral ang Dengue Investigative Task Force mula UP-PGH at naglabas ng resulta na isinumite sa DOH.

Batay sa resulta ng pag-aaral, sa 14 batang namatay na pawang naturukan ng Dengvaxia ay tatlo ang may dengue virus.

Samantala, patuloy na naninindigan si Sanofi Asia-Pacific head Thomas Triomphe na walang konkretong ebedensiya na nagtuturo na ang dahilan kamatayan ay Dengvaxia.

Magugunitang Abril 2016 nang simulang ilunsad ng DOH ang bakuna sa mga public school children na mayroong naitalang mataas na bilang ng mga insidente ng dengue.

Nitong Nobyembre 2017, ipinahinto ni Duque ang naturang bakuna matapos aminin ng Sanofi na may masamang epekto ang bakuna sa mga hindi pa nadadapuan ng dengue. (NIÑO ACLAN)

About Niño Aclan

Check Also

Ngayong Semana Santa
TRABAHO Partylist, kaisa ng mga manggagawa Giit, karampatang holiday pay at benepisyo

SA GITNA ng paggunita ng sambayanang Filipino sa Semana Santa, ipinahayag ng TRABAHO Partylist ang …

Philanthropist Cecille Bravo binigyan ng laptop dalagang may Chronic Kidney Diseased

Philanthropist Cecille Bravo binigyan ng laptop dalagang may Chronic Kidney Diseased

MATABILni John Fontanilla HINDI naiwasang maiyak ng Phililanthropist and Businesswoman na si Ms Cecille Bravo nang ibigay ang …

ER Ejercito Comelec

Overspending case ni dating Laguna Gob ER Ejercito ibinasura na ng Comelec En Banc

DINISMIS na sa wakas matapos ang 12 taon ng Commission on Elections (COMELEC) En Banc ang kasong …

Sarah Discaya

Kampo ni Sarah Discaya, Mariing Itinanggi ang Anumang Paglabag sa Batas Kaugnay ng Isyu sa British Passport

MAYNILA — Nilinaw ng legal counsel ni Pasig City mayoral candidate Sarah Discaya na wala …

Blind Item, Mystery Man, male star

Hunk actor suki sa mga political rally kahit ‘di feel ng publiko

I-FLEXni Jun Nardo MAINSTAY na yata ang isang hunk actor na paminsan-minsan eh kumakanta rin sa political …

Leave a Reply

Your email address will not be published. Required fields are marked *