Wednesday , May 29 2024

Duterte binutata ni Duque (Sa face shield expiration)

092921 Hataw Frontpage

ni ROSE NOVENARIO

SINOPLA ni Health Secretary Francisco Duque ang pahayag ni Pangulong Rodrigo Duterte na hindi napapaso ang face shield dahil plastic ito.

Ang pahayag ni Pangulong Duterte ay bilang pagkontra sa sinabi ng isang dating warehouse staff ng Pharmally Pharmaceuticals Corporation sa Senate Blue Ribbon Committee na inutusan silang palitan ang expiry date ng face shield na gawing 2021 mula sa 2020 saka inihatid sa Department of Health (DOH).

Inamin ito ng opisyal ng Pharmally na si Krizel Grace Mago, bunsod aniya ng direktiba ni Mohir Dargani, ang treasurer ng kompanya.

Ayon kay Mago, itinuturing niya itong panggagantso sa gobyerno.

“Paano ito mag-expire? Unless abusuhin mo, tapon-tapon mo, pero kung isuot mo lang at ilagay mo ng magandang pagkalagay, paano mag-expire ‘yan?” sabi ni Duterte sa kanyang Talk to the People kamakalawa ng gabi.

“Puwede mag-expire pero it will take 10, 15 years. Mag-expire ‘yan dahil sa scratches. E kung maalagaan mo ‘yan, magtagal ‘yan,” dagdag niya.

Bilang tugon kay Pangulong Duterte, inihayag ni Health Secretary Francisco Duque III na ang face shields ay may shelf life na 36 buwan o tatlong taon.

“The DOH has established a shelf life for medical grade face shields. The shelf life is 36 months, according to our Disease Prevention and Control Bureau director Beverly Ho. There is a component of the face shield that has a styrofoam,” sabi ni Duque.

Iniimbestigahan na aniya ng DOH ang isyu at pananagutin ang Pharmally kapag napatunayang totoo ito.

“Batay sa isiniwalat ng empleyado ng Pharmally, akin pong ipinai-inspect muli itong mga face shield at kung totoong may mga pandaraya ito pong ginawa ng Pharmally ay kinakailangang bawiin ng gobyerno sa kompanyang ‘yan ‘yong isang taon na kanilang tinamper… kailangan magkaroon ng restitution sa gobyerno ‘yong halaga ng face shield,” ani Duque.

Muling iginiit ni Pangulong Duterte na hindi siya nayayanig sa imbestigasyon ng Senado sa mga iregularidad sa P12-B medical supplies contract na nasungkit ng Pharmally sa Procurement Service-Department of Budget and Management (PS-DBM).

Ngunit kahit ikinaila ng Pangulo na wala sa kanyang epekto ang Senate probe, ginawa niyang dalawang beses isang linggo ang dating isang beses kada linggo lamang na Talk to The People at ginugugol ang malaking bahagi sa pagbanat sa mga senador na nag-iimbestiga sa Pharmally deal, pagtatanggol sa mga personalidad na sangkot dito gaya nina dating PS-DBM head Lloyd Christopher Lao, at dating presidential economic adviser Michael Yang.

About Rose Novenario

Check Also

UTCI DELI Tools 1

Century-Strong UTCI (Uy Tit & Company Inc)Introduces DELI TOOLS

Executives from UTCI and DELI celebrate the inauguration of their partnership with a ribbon-cutting ceremony. …

Online gambling target lusawin ng Manila solons

Online gambling target lusawin ng Manila solons

DESIDIDO ang dalawang konggresista ng Maynila na lusawin ang ang namamayagpag na sugal sa online …

Online Gambling Gambling lalansagin ng 2 Konggresista ng Maynila

Online Gambling Gambling lalansagin ng 2 Konggresista ng Maynila 

PURSIGIDO ang dalawang magiting na konggresista ng Maynila na lansagin ang mga namamayagpag na sugal na …

Mr DIY Shop and Chill FEAT

Shop, Chill, and Bring Your Furry Friends to MR.DIY!
Step into MR.DIY, shop, and chill with your furry friends in our pet-friendly stores!

1. A Community of Pet Lovers Pets are integral to the MR.DIY experience. Witness adorable …

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …