Friday , March 1 2024
Pharmally, Rodrigo Duterte, Richard Gordon, Krizel Mago, Linconn Ong

Pharmally execs pinipigilan ni Duterte (Sa pagtestigo sa Senado)

KOMBINSIDO si Senate Blue Ribbon Committee chairman Sen. Richard Gordon na may mga kumikilos para hadlangan ang patuloy na pagtestigo sa komite ng dalawang opisyal ng  Pharmally Pharmaceutical Corporation at kasama rito si Pangulong Rodrigo Duterte.

“Sino ba ang nagsasabing principal na pinakamalaking tao na tigilan na ang imbestigasyon? Si President Duterte. Kasama siya riyan e, kasama. Hindi maipaliwanag ni Duterte kung bakit n’ya inaawat ito. Hindi ba magtataka ka kasi si Presidente masyadong mataas ang dating, akala niya napaka-powerful niya,” sabi ni Gordon kahapon.

Ang pahayag ay ginawa ni Gordon nang hindi na makontak ng komite si Krizel Grace Mago, ang opisyal ng Pharmally na kinompirmang pinapalitan niya ang expiry date sticker ng face shield sa 2021 mula sa 2020 na ibinenta ng kompanya sa Department of Health (DOH).

Inamin din ni Mago sa pagdinig ng Senado, naniniwala siyang ginantso ng Pharmally ang gobyerno.

Habang ayaw nang tumestigo sa executive session ng Senado si Linconn Ong, opisyal rin ng Pharmally na nagsabing nangutang sila ng puhunan sa dating presidential economic adviser na si Michael Yang.

Batay sa Senate probe, ginamit ni Yang ang pera at impluwensiya para masungkit ng Pharmally ang may P12-bilyong kontrata ng medical supplies sa Procurement Service-Department of Budget and Management (PS-DBM).

Hiwalay pa ito sa overpriced na medical supplies at ang iba’y expired at dispalinghado pa.

        Binalaan ni Gordon si Yang na puwedeng i-deport anomang oras.

Mula magsimula ang isyu ay regular na ipinagtatanggol ni Pangulong Duterte si Yang, mga opisyal ng DOH at PS-DBM, at ang kontrata ng Pharmally, habang binabatikos ang mga senador na nag-iimbestiga. (ROSE NOVENARIO)

About Rose Novenario

Check Also

Robin Padilla Mariel Rodriguez IV Drip

Sen Robin at Mariel humingi ng sorry sa gluta session

MA at PAni Rommel Placente NAGPADALA ng dalawang sulat si Sen. Robin Padilla noong Lunes, February 26,  …

Law court case dismissed

Sa Jemboy Baltazar case
PULIS GUILTY SA HOMICIDE, 4 KABARO, 4 BUWAN KULONG BUGAYONG, ABSUWELTO 

“GANOON LANG? Makalalaya lang sila, sana maramdaman din nila ‘yung nararamdaman ng pamilya ko ngayon …

Sa kasong Statutory Rape LAGUNA REGIONAL LEVEL NA MWP INARESTO NG MAGDALENA POLICE

Sa kasong Statutory Rape
LAGUNA REGIONAL LEVEL NA MWP INARESTO NG MAGDALENA POLICE

CAMP B/GEN. PACIANO RIZAL – Arestado ang isang most wanted person (MWP) sa regional level …

DSWD Project LAWA BINHI DRT Bulacan

DSWD Inilunsad ang Project LAWA at BINHI sa DRT, Bulacan

SA layuning matugunan ang mga epekto ng El Niño phenomenon sa mga mahihirap at mahihinang …

PNP PRO3

PRO3 pinuri ng COA sa pananalapi, at sa 2024 exit conference

NAKATANGGAP ng mataas na papuri ang Police Regional Office 3 (PRO3) sa 2024 Commission on …

Leave a Reply

Your email address will not be published. Required fields are marked *