Sunday , November 28 2021
expired face shields, CoVid-19 test kits, P28.72 face masks, Pharmally Money

Gov’t-Pharmally deal kademonyahan – health workers

NAGPUPUYOS sa galit ang hanay ng health workers sa ‘kademonyahan’ na pagbili ng overpriced at substandard medical supplies ng administrasyong Duterte sa pinaborang Pharmally Pharmaceutical Corporation.

Nabisto sa mga isinagawang pagdinig ng Senate Blue Ribbon Committee na nag-supply ang Pharmally ng expired face shields at CoVid-19 test kits at P28.72 kada piraso ng face mask sa Department of Health (DOH).

“Continuing [ang] nararanasan naming hirap, pagod tapos malalaman namin ang kabulastugan na ginawa talaga, parang devilish act na po ‘yun para sa amin lalo pa, recently meron kaming co-doctor na kamamatay lang,” sabi ni Janice Pauline Budy, pangulo ng Filipino Nurses United-San Lazaro Hospital chapter sa panayam sa Headstart sa ANC.

“Hindi mawala sa isip ko na maraming tinamaaan sa hanay naming nurses, mga doctor, sa ginawa ng DOH. Kaya talagang nakagagalit, galit na po kami sa panahong ito sa mga kademonyohan nila.”

Aniya, humuhugot sila mula sa sariling bulsa at nangangalap ng sponsor para makabili ng gagamitin nilang de-kalidad at cost-efficient personal protective equipment (PPE).

“Sariling naming bulsa, humahanap kami ng sponsor kasi medyo may kamahalan pero in the long run cost-efficient (siya), mas mababa ang magagastos (mo) kung suma total,” sabi ni Budy.

Inilahad niya, nakatanggap sila ng pekeng respirator mask mula sa DOH, hindi aprobado ng US Centers for Disease Control and Prevention at World Health Organization (WHO).

“Ang sa ‘min ba’t ‘di kami ma-provide-an ng kalidad kung buhay lang din naman namin ang nakasalalay at syempre buhay din ng pasyente ang maaapektohan,” dagdag niya.

Hindi pa rin aniya natatanggap ng health workers ang kanilang meal, accommodation, at transportation allowance mula sa DOH. (ROSE NOVENARIO)

About Rose Novenario

Check Also

Most wanted rapist sa Tarlac nakalawit

NASUKOL ng mga awtoridad ang isang lalaking nakatala bilang most wanted person (MWP) sa lalawigan …

2 nang-abuso, inihoyo 3 huli sa pot session, 3 pugante arestado

DINAKIP ng mga awtoridad ang dalawang lalaking may kasong pang-aabuso gayondin ang tatlong hinihinalang drug …

Sa Pampanga
KASO NG PAMAMARIL NG PULIS SA TEENAGER NASA PISKALYA NA

NAISAMPA na sa piskalya ang kasong Homicide na inihain laban sa isang pulis na nakadestino …

Quarry operator na sinabing land grabber inireklamo

NAHAHARAP sa asunto ang tinukoy na quarry operator ng isang residente sa Sitio Upper Bangkal, …

Joy Belmonte bike tiniketan

QC Mayor sinita, tiniketan sa ‘di pagsusuot ng helmet

KABILANG si Quezon City Mayor Joy Belmonte sa mga biker na sinita at tiniketan dahil …

Leave a Reply