HATAW! D'yaryo ng Bayan hatawtabloid.com
WALA pa ring nanalo sa jackpot prize ng 6/55 Grand Lotto.
Ito ang naging anunsyo ni Philippine Charity Sweepstakes Office (PCSO) Acting Chairman Ferdinand Rojas II, kasunod ng isinagawang draw nitong Sabado ng gabi.
Walang nakakuha ng lumabas na ticket combination na 37, 41, 29, 34, 52, 16.
May nakalaan itong P178,876,580 pot money.
Dahil dito, inaasahang papalo na sa P180 million o higit pa ang magiging jackpot prize sa susunod na draw ng nasabing lottery game.
Ang Grand Lotto ay may regular draw tuwing Lunes, Miyerkoles at Sabado ng gabi.
