Koreanong ukay-ukay trader dedo sa kustomer

PATAY ang isang Korean national matapos barilin ng nakasagutang kostumer nang hindi magkasundo sa presyo ng ibenibentang sapatos sa puwesto ng ukay-ukay sa Caloocan City kamakalawa ng gabi.

Hindi na umabot nang buhay sa Dr. Jose N. Rodriguez Hospital ang biktimang si  Sungmo Hong, 4, ng Phase 3, Brgy. 176 Bagong Silang sanhi ng isang tama ng bala ng baril sa katawan.

Pinaghahanap naman ng mga awtoridad ang hindi nakilalang suspek na mabilis tumakas.

Sa ulat ng pulisya,   6:00 ng gabi nang maganap ang insidente sa loob ng puwesto ng ukay-ukay ng biktima sa lugar.

Namimili  ang suspek ng mga paninda nang makursunadahan ang isang sapatos at itinanong kung magkano ang presyo.

Pilit tumatawad ang suspek pero hindi pumayag ang Koreano hanggang magkainitan dahilan upang umalis ang suspek.

Ilang sandali  ang nakalipas, bumalik ang suspek na armado ng baril at walang sabi-sabing pinaputukan ang biktima. (rommel sales)