20 AFP officials sinibak ni Duterte

SINIBAK ni Pangulong Rodrigo Duterte ang matataas na opisyal ng Armed Forces of the Philippines-Health Services Command dahil sa talamak na korupsiyon sa V. Luna Medical Center.

Iniutos ni Pangulong Duterte na tanggalin sa puwesto at agad  isaila­lim sa court martial sina Brig. Gen. Edwin Leo Tor­re­lavega, pinuno ng AFP-HSC, at Col. Antonio Punzalan, commander ng V. Luna Medical Center.

Sinabi ni Presidential Spokesman Harry Roque, ang mga hepe ng health service command man­age­­ment at fiscal office at ang logistics office ay sinibak din bunsod ng maanomalyang pagbili ng mga equipment.

Ayon kay Roque, galit na galit si Pangulong Du­ter­te sa sabwatan ng mga opisyal sa aniya’y institu­tionalized corrup­tion sa naturang military hospi­tal.

“Apparently, it’s a conspiracy…it was ins­titutional corruption in V. Luna,” ani Roque.

Aabot aniya sa 20 opisyal ng pagamutan ang tinanggal ng Pangulo na nabistong nagkontsa­bahan sa “ghost purcha­sing, splitting of contracts to circumvent mandatory bidding processes, and conceiving fictitious sup­pliers,” na daan-daang milyong piso ang halaga.

Paliwanag ni Roque, matagal na panahon nang umiiral ang katiwalian sa pagamutan bago pa nau­po sa Palasyo si Duter­te.

ni ROSE NOVENARIO