HATAW! D'yaryo ng Bayan hatawtabloid.com
PUSH NA’YAN
ni Ambet Nabus
BONGGA at winner na winner ang awrahan ng mga celebrity guest and performers sa ACER Day 2025.
Hosts ang EsBi tandem nina Esnyr at Robi Domingo na kinaaliwan ng mga manonood lalo’t majority ng crowd ay mga SB19 fans and supporters.
First time ring ipinarinig ng SB19 at ni Sarah Geronimo ang collab production nila ng Umaaligid na grabeng kinatuwaan ng lahat.
Then may performance pa si Sarah ng mga famous hit niyang Tala at Kilometro, patunay na siya pa rin talaga ang reyna ng mga uso at napapanahong concert acts.
Pero ang isa pa talagang inabangan nang husto sa event ay ang pagsasama-sama ng mga PBB Collabhousemates.
Sa pamumuno ni Klarisse de Guzman, sinamahan siya ng mga anak-anakan niyang sina Will Ashley, Charlie Fleming, Ralph de leon, Shuvee Etrata, Mika Salamanca, at Brent Manalo, na panalong-panalo sa audience.
“That’s a different and highly regarded entertainment showcase. Very world class. Walang kailangang laitin o pintasan para mapasaya ang crowd,” susog ng mga nakapanood.
