HATAW! D'yaryo ng Bayan hatawtabloid.com
MA at PA
ni Rommel Placente
MARAMING mga faney ng Diamond Star na si Maricel Soriano ang nagtatanong sa amin, dahil alam nilang isa rin akong Maricelian, kung kailan ba muling gagawa ng pelikula ang award-winning actress?
Huling napanood si Maricel sa In His Mother’s Eyes noong 2023, na gumanap siya bilang kambal ni Roderick Paulate.
Ito na ang kasagutan sa mga supporter/nagmamahal kay Maricel. After two years, mapapanood na ulit sa wide screen si Maricel. May gagawin siyang pelikula titled Meet, Greet & Bye mula Star Cinema, na isang family drama, under the direction of Cathy Garcia-Sampana.
Makakasama niya sa pelikula sina Piolo Pascual, Belle Mariano, Juan Carlos, at Joshua Garcia.
First time makakatrabaho ni Maricel sina Belle, Joshua, at Juan Carlos, while si Piolo ay nakatrabaho at nakatambal niya na sa Mila, na ipinalabas noong 2013.
Siguradong labanan ng aktringan ang limang mga bida sa pelikula dahil pare-parehas silang mahuhusay na artista.
