HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MARAMI naman ang naawa kay Claudine Barretto dahil sa kasalukuyang pinagdaraanan na tila wala na raw gustong maniwala rito?
Hindi namin napanood ang sinasabing viral video nito na burado na o tinanggal na sa socmed, pero may kinalaman nga ito sa mga threat at mga sari-saring bintang o mga nega na salita laban sa kanya.
Hindi man daw ito pinangalanan sa nasabing video subalit may hinala si Clau na member of her family o mga taong malapit sa kanya ang may gawa niyon.
Inakala nga nating lahat na after siyang bigyan ng chance ng GMA 7 na makapag-bida uli ay magtutuloy-tuloy na ang kanyang pagbabalik TV.
Although kasama siya sa isang Viva One series na pinagbibidahan ng mga kasalukuyang sikat na young stars, tila hindi pa nga masasabing may “big time’ comeback na ang magaling na aktres.
Mahal namin ang kaluka-lukahan ni Clau at pagiging kontrobersiyal nito, pero nalulungkot din talaga kami kapag may mga ganitong balita sa kanya.
Sayang talaga ang galing at husay niya bilang isang aktres kung laging sa mga ganitong isyu siya nasasangkot.
